Усіх шчыра вітаю!
Мяне завуць Юрась, гісторык, аматар краязнаўца і гід па Варшаве. І ваколіцах:)
Закончыў гістарычны факультэт БДУ ў 2014 г., працаваў у музэях, а з 2020 году прайшоў атэстацыю гіда ў Нацыянальным агенцтве па турызьме. Распрацоўваў і праводзіў беларускамоўныя экскурсіі па Менску і Беларусі. З 2022 г. працягваю займацца ўлюбёнай справай у Варшаве, знаёмлю беларусаў (і ня толькі беларусаў) зь цікавінкамі і асаблівасьцямі польскае сталіцы па-беларуску. На цяперашні час маю больш за 20 аўтарскіх маршрутаў па Варшаве, Канстанціну Язёрна і Яблоньне. Арганізоўваю беларускамоўныя шпацыры ў фармаце вольнага гасьцінцу (free-donation) штовыходныя. Таксама праводжу экскурсіі на заказ, яны даступныя перад усім па-беларуску й па-расейску, але можна й польскамоўны варыянт зладзіць. Акрамя шпацыраў, распрацаваў невялічкія лекцыйныя курсы ў фармаце анлайн, прысьвечаныя гісторыі клясычнага правапісу, беларускай лацінцы і калькаваньню ў беларускай мове.
Каб бліжэй азнаёміцца з маёй дзейнасьцю ці заказаць пэўную экскурсію, пераходзьце па спасылцы ў Інстаграм ці Тэлеграм.
Буду шчыра ўдзячны любой падтрымцы, бо мой краязнаўча-асьветніцкі праект перад усім скіраваны на беларусаў і захаваньне беларушчыны ў эміграцыі.
Дзякуй шчыры!
