Вітаем, шаноўныя сябры!
Беларуская школа ў Варшаве
Шаноўнае спадарства!
Беларускай школа ў Варшаве існуе ўжо чацверты год і актыўна развіваецца,
каб прапаноўваць дзеткам і бацькам цікавыя, грунтоўныя і разнастайныя
заняткі. Нашая мэта – дапамагчы дзеткам захаваць сувязь з Беларуссю незалежна ад іх месцазнаходжання.
Вучнямі нашай школы становяцца беларускія дзеці, якія атрымліваюць веды па асноўных прадметах ва ўстановах краіны пражывання, а па прадметах беларускага кампанента (роднай мове і літаратуры, гісторыі і культуры Беларусі і інш.) на занятках па суботах (да 5 гадзін), каб не адстаць ад сваіх аднагодкаў на радзіме, і таксама займаюцца беларускімі танцамі і гульнямі, батлейкай, дэкаратыўна-прыкладным мастацтвам і маляваннем, вывучаюць свае песні і народныя святы.
Прыемна, што некаторыя з іх звязаны са школай ужо чацвёрты год.
Рознабаковая дзейнасць у школе патрабуе матэрыяльнай падтрымкі. Падтрымайце беларускую школу. З пытаннямі можна звяртацца на адрас: belaruskaja.szkola@gmail.com
2025 – 2026 навучальны год 🎒
У Варшаве працягваюць навучацца дзеці ад 0 да 7 класаў.
2024 – 2025 навучальны год 📖
Дарагія бацькі і дабрачынцы!
Шчыра дзякуем вам за гэты год і за вашую падтрымку. Менавіта вы робіце існаванне школы магчымым.
За 2024-2025 навучальны год вы ахвяравалі 136 588.00 злотых. Агульныя выдаткі на дзейнасць школы склалі 135 329.80 злотых.
Розніца 1 258.20 злотых залічана на наступны навучальны год.
Асобныя філіі школы пачалі працаваць самастойна. Пашыраецца дзейнасць БШВ у Варшаве і ў анлайн-навучанні за кошт адкрыцця новых курсаў, дзе за тры гады былі прадстаўнікі з Аб'яднаных Арабскіх Эміратаў, Албаніі, Англіі, Аўстрыі, Балгарыі, Беларусі, Германіі, Грузіі, ЗША, Інданезіі (востраў Балі), Ірана, Ірландыі, Іспаніі, Італіі, Канады, Кіпра, Латвіі, Літвы, Малдовы, Партугаліі, Польшчы, Расіі, Славеніі, Турцыі, Украіны, Фінляндыі, Францыі, Чарнагорыі, Чэхіі, Швейцарыі, Швецыі, Японіі.
2023 – 2024 навучальны год 📚
Са школай падтрымліваюць вучэбную дзейнасць больш паўтысячы беларусаў. Працуюць філіі ў Беластоку, Гданьску, Кракаве. Падтрымліваецца дзейнасць беларускіх школак у Батумі, Тбілісі, Вільні. У самай вялікай філіі БШВ з анлан-навучаннем займаюцца дзеці амаль з 30 краін свету.
Пачатак дзейнасці 🕊️
Беларуская школа ў Варшаве пачала сваю дзейнасць з верасня 2022 года як афлайн і анлайн адукацыйная прастора для дзяцей, якія часова апынуліся ў Польшчы і іншых краінах свету пасля гуманітарнага крызісу ў Беларусі.