Беларускі аматарскі тэатр “Nievymoǔnaje” 

Беларускі аматарскі тэатр “Nievymoǔnaje” — гэта культурна-адукацыйны праект, створаны ў 2023 годзе па ініцыятыве беларускай супольнасці ў Кракаве. Мы — не прафесійныя акцёры, а людзі, якіх аб’ядноўвае любоў да сцэны і беларускай культуры. Мы разам вучымся акцёрскаму майстэрству, рэпетуем і бясплатна паказваем спектаклі для ўсіх ахвотных.

За гэты час мы падрыхтавалі некалькі пастановак і святочных дзіцячых спектакляў. Наш апошні спектакль — «Стомлены д’ябал» паводле п’есы беларускага драматурга Сяргея Кавалёва — гэта філасофская прыпавесць пра адказнасць чалавека за зло і цяжкасці ў свеце. Прэм’ера, што адбылася ў маі, сабрала больш за 130 гледачоў, а 18 кастрычніка мы пакажам спектакль паўторна.

Тэатр працуе цалкам на валанцёрскіх асновах — кожны з нас укладае свой час і сілы проста таму, што гэта важна і цікава. Каб працягваць ставіць новыя спектаклі, нам патрэбныя сродкі на дэкарацыі, касцюмы і падрыхтоўку сцэны.

На што пойдуць сабраныя грошы:

– стварэнне дэкарацый і касцюмаў;

– падрыхтоўка сцэны і асвятлення;

– арэнда неабходнай апаратуры і матэрыялаў для рэпетыцый.

Калі вам блізкая наша ідэя, вы можаце падтрымаць тэатр любой зручнай сумай. Кожны ўнёсак дапамагае нам развівацца і працягваць паказваць спектаклі для беларусаў і ўсіх, каму цікавая беларуская культура.

Даведацца больш пра нас можна на нашай старонцы ў Інстаграм https://www.instagram.com/nievymounaje.theatre/