📢 Шаноўнае спадарства!

На пачатку верасня Беларуская школа ў Кракаве трэці год запар адчыняе дзеры ўтульных аўдыторый і прымае да навучання маленькіх беларусаў. Наша школа – гэта месца, дзе дзеці не толькі вучацца чытаць і пісаць па-беларуску. Тут яны знаёмяцца з беларускай культурай і гісторыяй, традыцыямі і святамі. Разам мы бавім час за настольнымі гульнямі, праводзім творчыя заняткі, ладзім спартовыя спаборніцтвы і пікнікі.

👉 Мы існуем і развіваемся дзякуючы супольным намаганням настаўнікаў і бацькоў, а таксама дзякуючы вашай падтрымцы.

Таму мы звяртаемся да вас з просьбай падтрымаць школу пасільнымі штомесячнымі або аднаразовымі данатамі.

Нават невялікі ўнёсак робіць вялікую справу: разам мы зможам забяспечыць дзецям якасную адукацыю і стварыць утульнае асяроддзе для навучання.

🙏 Дзякуй кожнаму, хто дапамагае! Менавіта дзякуючы вам школа жыве, а дзеці маюць магчымасць вучыцца і размаўляць па-беларуску нават за межамі Радзімы.

Далучайцеся да нашай справы і зрабіце свой уклад у будучыню беларускай адукацыі за мяжой!

Запрашаем таксама на наш Instagram!