Вітаем, шаноўныя сябры!
Беларуская школа ў Варшаве
Падтрымай школу!
Вітаем, шаноўныя сябры!
Беларуская школа ў Варшаве
Дарагія дабрачынцы!
За перыяд верасень-снежань 2024 года вы ахвяравалі 65 000 злотых! Уся сума была выкарыстаная выключна на дзейнасць школы анлайн і афлайн. Мы рыхтуем справаздачу і хутка яна з’явіца тут.
Усё, што было сабрана звыш, а гэта 3 402 злотых, залічана на новы перыяд.
Шчыра дзякуем вам за тое, што робіце існаванне школы магчымым!
Цяпер мы распачынаем збор на студзень-чэрвень 2025 года. Дзяліцеся спасылкай з неабыякавымі знаёмымі, каб болей людзей далучыліся да добрай і важнай справы – падтрымкі беларускай школы ў замежжы!
Шаноўнае спадарства!
Беларускай школа ў Варшаве існуе ўжо трэці год і актыўна развіваецца,
каб прапаноўваць дзеткам і бацькам цікавыя, грунтоўныя і разнастайныя
заняткі анлайн і афлайн. Нашая мэта – дапамагчы дзеткам захаваць сувязь з Беларуссю незалежна ад іх месцазнаходжання. У першы год мы запусцілі заняткі анлайн і афлайн у Варшаве, у другі – філіі ў Беластоку, Гданьску і Кракаве. У гэтым годзе, апроч непасрэдна правядзення заняткаў, мы пачалі выпускаць школьны часопіс, ладзім настаўніцкія лабараторыі, працуем над дапаможнікамі, арганізоўваем конкурсы, чэленджы і спектаклі. Абсалютная большасць дзетак навучаецца ў нас ужо трэці год. Гэта гонар для нас і вялікая адказнасць.
Цяпер мы актыўна развіваем анлайн на роднай мове.
Вось набор курсаў, якія мы ўжо маем:
– беларуская мова і літаратура (гадавы цыкл, 2 разы на тыдзень) для 0-10 класаў
– гісторыя Беларусі (гадавы цыкл, 1 раз на два тыдні) для 6-10 класаў
– беларуская лацінка (12 сустрэч, 1 раз на тыдзень) для дарослых
– клясычны правапіс (12 сустрэч, 1 раз на тыдзень) для дарослых
– прыродазнаўства (12-16 сустрэч, 2 разы на тыдзень) для дзетак 7-9 гадоў
– біялогія (16 сустрэч, 2 разы на тыдзень) для дзетак 10-14 гадоў
– геаграфія (16-18 сустрэч, 2 разы на тыдзень) для дзетак 10-14 гадоў
– кінаклуб на беларускай мове ( 8-10 сустрэч, 1 раз на 2 тыдні) для дарослых
– размоўны клуб на беларускай мове (гадавы цыкл, 1 раз на тыдзень) для
дзяцей 1-2 класаў
– размоўны клуб на ангельскай мове (гадавы цыкл, 1 раз на тыдзень) для
дзяцей 8-10 гадоў
Падрабязней пра нашую дзейнасць можна даведацца па спасылках ніжэй:
https://www.instagram.com/bel.szkola.wawa/
https://www.facebook.com/profile.php?id=100093521230390
Важна: гэты год пераходны для нас, бо цяпер мы працуем без грантаў,
таму школе вельмі патрэбная Вашая падтрымка. Усе сабраныя сродкі ідуць на заробкі настаўнікаў.
Са свайго боку мы гатовыя забяспечыць празрыстасць справаздачы кожнаму
ахвярадаўцу. Па пытаннях – пішыце нам на bel.szkola@gmail.com
Няхай каласіцца ніва беларускасці па ўсім свеце!